اسسٹنٹ کمشنر نے گل گھوٹو کی فری ویکسی نیشن کا افتتاح کیا۔ اس موقع پر ایڈیشنل ڈائریکٹر لائیو سٹاک ڈاکٹر محمد ممتاز بیگ، ڈپٹی ڈائریکٹر ڈاکٹر ضیااللہ گوندل، سیینئر ویٹرنری آفیسر ڈاکٹر محمد رضوان، ویٹرنری آفیسر چیلیانوالہ اور تحصیل بھر کے ویٹرنری اسسٹنٹس بھی موجود تھے ۔اس موقع پر ایڈیشنل ڈائریکٹر لائیو سٹاک ڈاکٹر محمد ممتاز بیگ اورڈپٹی ڈائریکٹر ڈاکٹر ضیااللہ گوندل نے بتایا کہ یکم فروری سے 31 مارچ تک محکمہ لائیو سٹاک کی ٹیمیں گھر گھر جا کر 2لاکھ 28ہزارگائے بھینسوں میں گل گھوٹواور 31ہزاربکریوں میں پلورونمونیا کے حفاظتی ٹیکے فری لگائیں گی ،انہوں نے مویشی پال حضرات سے اپیل کی کہ وہ ویکسی نیشن کرواتے ہوئے عملہ کے ساتھ تعاون کریں اور ان کوشناختی کارڈاور موبائل نمبر ضرور لکھوائیں انھوں نے مزید کہاکہ اگر کسی بھی مویشی رکھنے والے شخص کے جانوروں کو 31مارچ تک حفاظتی ٹیکے نہیں لگائے جاتے تو متعلقہ ویٹرنری ہسپتال میں رابطہ کریں۔ اسسٹنٹ کمشنر کاشف جلیل خان نے کہاکہ حکومت پنجاب نے مویشی پال کسانوں کی فلاح و بہبود کیلئے لاتعداد اقدامات اٹھائے ہیں، حکومت جانوروں کے گوشت میں اضافے کیلئے مویشی پال حضرات کو کروڑوں روپے کی سبسڈی مہیا کر رہی ہے جس سے مویشی پال حضرات کو بہت فائدہ حاصل ہو رہا ہے۔ انہوں نے کہاکہ مویشی پال حضرات ان سہولیات سے مستفید ہوکر خاطر خواہ مالی فوائد حاصل کرسکتے ہیں۔
