اہم خبریں بین الاقوامی خبریں شوبز

بھارتی اداکار کشال پنجابی نے خودکشی کرلی

بھارت کے نامور اداکار و ماڈل کشال پنجابی ممبئی کے علاقے باندرا میں اپنے گھر میں مردہ حالت میں پائے گئے۔
رپورٹ کے مطابق کشال پنجابی کی خودکشی کی خبر سب سے پہلے ساتھی اداکار کرنویر بوہرا نے سوشل میڈیا پر شیئر کی۔
کرنویر بوہرا نے اپنے انسٹاگرام پر کشال پنجابی کی ایک تصویر پوسٹ کی، جس پر انہوں نے لکھا کہ ‘تمہاری موت کی خبر نے مجھے حیران کردیا، میں اب تک یہ ماننے سے انکار کررہا ہوں، میں جانتا ہوں تم اب ایک بہتر جگہ پر ہوگے، تم نے اپنی زندگی گزارنے کے انداز سے مجھے بہت بار متاثر کیا’۔
اداکار نے مزید لکھا کہ ‘جس لطف کے ساتھ تم ڈانس کرتے تھے، تمہارا فٹنس کا شوق، بائیک چلانا، ایک والد ہونا اور سب سے زیادہ اہم تمہارا مسکراتا ہوا چہرا، تمہاری فطرت سب حقیقی تھی’۔
کرنویر نے انسٹاگرام پوسٹ میں لکھا کہ ‘میں تمہیں بہت یاد کروں گا، دنیا تمہیں ہمیشہ ایک ایسا شخص جان کر یاد کرے گی جس نے اپنی زندگی بھرپور انداز میں گزاری’۔
ممبئی پولیس کے مطابق کشال پنجابی گزشتہ روز مردہ حالت میں اپنے فلیٹ میں پائے گئے تھے جبکہ پولیس کو ان کی لاش کے پاس سے ہاتھ سے لکھی ہوئی تحریر بھی ملی جو ممکنہ طور پر انہوں نے خودکشی سے پہلی لکھی تھی۔
اس نوٹ میں کشال پنجابی نے لکھا کہ ان کی جائیداد/اثاثوں کا 50 فیصد حصہ والدین اور بہن میں یکساں طور پر تقسیم کیا جائے جبکہ باقی 50 فیصد ان کے 3 سالہ بیٹے کیان کو دیا جائے۔
سالہ اداکار کشال پنجابی کے والدین انہیں کئی روز سے فون کررہے تھے تاہم کال نہ اٹھانے کی صورت میں وہ ان کے گھر پہنچے جہاں انہیں کشال کی لاش پنکھے سے لٹکی ہوئی ملی۔
کشال پنجابی کی آخری رسومات آج (28 دسمبر کو) ممبئی میں ادا کی جائیں گی۔
واضح رہے کہ کشال پنجابی نے یورپ سے تعلق رکھنے والی اپنی گرل فرینڈ اوڈری ڈولہن کے ساتھ 2015 میں شادی کی تھی۔
اداکار نے خودکشی سے کچھ گھنٹے قبل انسٹاگرام اسٹوری پر اپنے 3 سالہ بیٹے کیان کی ایک تصویر بھی پوسٹ کی تھی جبکہ انسٹاگرام اکاؤنٹ پر شیئر کردہ آخری پوسٹ بھی ان کی بیٹے کے ساتھ ایک تصویر ہے۔


پولیس کے مطابق اداکار نے خودکشی سے قبل لکھے گئے نوٹ میں کسی کو بھی خودکشی کا ذمہ دار نہیں ٹھہرایا البتہ ظاہر کیا جارہا ہے کہ مالی بحران اور ناکام شادی اداکار کی خودکشی کا باعث بنی۔
یاد رہے کہ کشال پنجابی نے ایک ڈانسر اور ماڈل کی حیثیت سے کیریئر کا آغاز کیا تھا۔
انہوں نے ‘سی آئی ڈی’، ‘ڈان’، ‘لو میرج’، کبھی ہاں کبھی نا’ اور ‘یہ دل چاہے مور’ جیسے ڈراموں میں کام کیا۔
وہ ‘لکشیا’، ‘کال’، ‘سلام عشق’ اور ‘دھن دھنا دھن گول’ جیسی فلموں کا بھی حصہ بنے تھے۔
اس کے ساتھ ہی کشال پنجابی ‘جھلک دکھلاجا’ اور ‘فیئر فیکٹر’ جیسے ریائلٹی شوز میں بھی جلوہ گر ہوئے تھے۔

Leave a Comment

Your email address will not be published.

You may also like

Read More

post-image
اہم خبریں
قصور: ” میرے پوت نوں مارنا نئیں”ناراض بیوہ بوڑھی ماں نے بیٹے بہو کو گلے لگا لیا بوڈھی ماں کی تھانے میں فریاد سے...
Read More
post-image
ٹیکنالوجی
ویووY15Cپاکستان میں متعارف کروا دیا گیا 16 اگست 2022 عالمی شہرت یافتہ سمارٹ فون بنانے والی کمپنی ویوو  نے پاکستان میںاپنی وائے سیریزمیں نیاY15Cمتعارف...
Read More
post-image
اہم خبریں
مگرمچھوں کے ناپید ہونے سے ہمارے ماحول پر تباہ کن اثرات ہوں گے، ماہرین سائنس دانوں نے خبردار کیا ہے کہ مگر مچھوں کی...
Read More
post-image
اہم خبریں
اے پی ایس حملے کا ماسٹرمائنڈ عمر خالد خراسانی بم دھماکے میں ساتھیوں سمیت ہلاک کالعدم تحریک طالبان پاکستان کےاہم کمانڈر عمرخالد خراسانی ساتھیوں...
Read More
post-image
اہم خبریں
کراچی: اسسٹنٹ کمشنر اسما بتول کو اسلحہ کے زور پر لوٹ لیا گیا کراچی کے علاقے بہادر آباد میں اسسٹنٹ کمشنر فیروز آباد اسما...
Read More