اہم خبریں

فضائی آلودگی پھیپھڑوں کو تیزی سے ’بوڑھا‘ کررہی ہے

لندن: ہم جانتے ہیں کہ جسم کے اعضا بھی جوانی سے بڑھاپے تک کا سفر کرتے ہیں اور یہ ایک قدرتی عمل ہے لیکن اب ماہرین نے خبردار کیا ہےکہ فضائی آلودگی سے پھیھپڑوں کی عمررسیدگی اور خرابی کا عمل تیز سے تیز ترین ہوجاتا ہے۔

سائنسدانوں نے ایک مطالعے کے بعد کہا ہے کہ اگر ایک شخص ایسی فضا میں ایک سال تک سانس لے جہاں ایک مربع میٹر میں 5 مائیکروگرام تک آلودگی کے ذرات ہوں تو اس سے ایک سال میں پھیپھڑے کو اتنا نقصان واقع ہوتا ہے جو طب کی زبان میں پھیپھڑوں کو مزید دوسال بوڑھا کردیتا ہے۔ اس طرح پھیپھڑوں کی افادیت میں کمی واقع ہوتی ہے۔

فضائی آلودگی کی صورت میں ٹھوس اور مائع اجزا ہوا میں تیرتے رہتے ہیں۔ ان میں دھول، مٹی، کاربن، راکھ اور دیگر اقسام کے ذرات شامل ہوسکتے ہیں۔ یہ رکازی ایندھن، کوئلے، گیس، گاڑیوں کے دھویں، کارخانوں اور تعمیرات سے بھی پیدا ہوتے ہیں۔

اگر کوئی ایسی جگہ رہ رہا ہے جہاں فی مربع میٹر 10 مائیکروگرام ذرات ہوں تو اس کا نقصان دوگنا ہوگا۔ ایسی جگہوں پر سانس کا مرض یا سی او پی ڈی عام حالات سے چار گنا زائد ہوسکتا ہے۔ ایسے مقامات کے رہائشی سانس کی تنگی اور سینے کی جکڑن کی شکایت کرتے ہیں۔

یہ سروے برطانیہ میں ہوا ہے اور جہاں ایک ڈیٹا بیس سے تین لاکھ افراد کا جائزہ لیا گیا ہے۔ مطالعے میں شامل خواتین و حضرات کی سانس کی کیفیت اور دیگر ٹیسٹ لیے گئے تھے جس میں 2006 سے 2010 تک چار سال کا عرصہ لگا۔ اس میں لوگوں کے پیشے اور آلودگی میں گزارے گئے وقت کی تفصیلات کو بھی شامل کیا گیا۔

یونیورسٹی آف لیسیٹر کی ماہرِ ماحولیات اینا ہینسل نے یہ تحقیق کی ہے جو کہتی ہی کہ فضائی آلودگی سے پھیپھڑوں کی صلاحیت دوگنی متاثر ہوتی ہے اور سی او پی ڈی کا خطرہ تین گنا بڑھ جاتا ہے۔ یہ کیفیت غریب اور کم ترقی یافتہ ممالک میں زیادہ دیکھی گئی ہے۔

Leave a Comment

Your email address will not be published.

You may also like

Read More

post-image
اہم خبریں
مگرمچھوں کے ناپید ہونے سے ہمارے ماحول پر تباہ کن اثرات ہوں گے، ماہرین سائنس دانوں نے خبردار کیا ہے کہ مگر مچھوں کی...
Read More
post-image
اہم خبریں
اے پی ایس حملے کا ماسٹرمائنڈ عمر خالد خراسانی بم دھماکے میں ساتھیوں سمیت ہلاک کالعدم تحریک طالبان پاکستان کےاہم کمانڈر عمرخالد خراسانی ساتھیوں...
Read More
post-image
اہم خبریں
کراچی: اسسٹنٹ کمشنر اسما بتول کو اسلحہ کے زور پر لوٹ لیا گیا کراچی کے علاقے بہادر آباد میں اسسٹنٹ کمشنر فیروز آباد اسما...
Read More
post-image
اہم خبریں
پشاور: سبزیاں 100 روپے کلو سے تجاوز، دالوں کی قیمتوں میں بھی اضافہ، شہری بےبس  پشاور میں آٹے کے بعد سبزیوں کی خریداری بھی...
Read More
post-image
اہم خبریں
شمالی وزیرستان میں خودکش حملہ، تین فوجی اہلکار ہلاک چار زخمی پاکستان کے صوبہ خیبرپختونخوا کے قبائلی ضلع شمالی وزیرستان میں فوجی قافلے پر...
Read More