اسلام آباد: نیشنل ٹیلی کمیونیکشن کا رپوریشن اور آئی۔ بی۔ ایم (IBM)کے درمیان ڈیٹا ریکوری سنٹر (DRC)لاہور کے قیام کا معاہدہ طے پا گیا ہے۔خدمات کی فراہمی کے تسلسل کو یقینی بنانے کے لئے متبادل ڈیٹا ریکوری سنٹرکا قیام نہ صرف انڈسٹری کی ترقی کی جانب اہم قدم ہے بلکہ ڈیٹا لیکج کی صورت میں کم سے کم نقصان کو یقینی بنائے گا۔ یہ سہولیات حکومت اور پبلک سیکٹر آرگنائزیشن کو فراہم کرنے والے ڈیٹا سنٹر سے متعلق خدمات کو زیادہ سکیورٹی فراہم کرنے کے ساتھ ساتھ جدید سہولیات سے مزین ہو گا۔
اچھی طرز حکمرانی سے ملکی کارگردگی بہتر بنانے ک اور شفافیت کو یقینی بنانے کے لیے حکومت تمام سروسز کو ڈیجٹلائز کر رہی ہے۔ وفاقی حکومت اور دوسرے سرکاری شعبے کے اداروں کو محفوظ اور قابل اعتماد ڈیٹا خدمات کی فراہمی میں NTCہر ممکن اقدمات کر رہی ہے۔ اور ایک اصول کے طور پر اپناتے ہوے حکومت ملکی وسائل کے زیاں کو روکنے کے لیے Silo IT نظام کی حوصلہ شکنی کر رہی ہے۔
اس موقع پر منیجنگ ڈائریکٹر جناب بریگیڈیر وقار رشید خان نے اظہار کرتے ہوئے کہا کہ NTCاپنے محترم صارفین کو قابل اعتماد اور معیاری سروسز کی فراہمی کے تسلسل کو یقینی بنانے کے لیے ہر ممکن کوشش کر رہی ہے انہوں نے اس بات کو اجاگر کیا کہ سرکاری ڈیٹا کی حفاظت سے کوئی انکار نہیں کر سکتاجو کہ فی زمانہ سائبر حملوں سے بچنے کے لیے نہائت ضروری ہے۔
جناب انجینئیرمعراج گل چیف ٹیکنالوجی آفیسرنے DRCمنصوبے کی اہمیت پر روشنی ڈالتے ہوے کہا کہ یہ منصوبہ خدمات کی تسلسل کے ساتھ فراہمی اور قیمتی ڈیٹاکو کسی بھی قسم کے نقصانات میں کمی کو یقینی بنائے گا ۔ M/s IBM کے کنٹری ہیڈ نے بھی اس موقع پر خطاب کرتے ہوئے IBM کی طرف سے اس پراجیکٹ کی کامیاب تکمیل اور NTC کے ساتھ طویل مدتی کاروباری تعلقات کے قیام کی یقین دہانی کروائی۔
