وزیراعلیٰ پنجاب عثمان بزدارنے و زیراعلیٰ ہاؤس کے خرچوں میں کروڑوں روپے کی بچت کر کے کفایت شعاری کی نئی مثال قائم کردی۔
عثمان بزدار کی خصوصی ہدایت پر وزیراعلیٰ کے دفترنے تنخواہوں کے علاوہ دیگراہم مدات میں18-2017کے نسبت مالی سال 2018-19 کے حقیقی اخراجات میں تقریباً 60فیصد کمی کی ہے، جبکہ تحائف و مہمان داری کے اخراجات 11کروڑ روپے سے کم کر کے 3کروڑ روپے کردئیے گئے ہیں، اس طرح اس مد میں تقریباً 8کروڑ روپے کی بچت کی گئی ہے۔
وزیر اعلیٰ ہائوس میں کفایت شعاری اورغیر ضروری اخراجات کو کم کرنے کی پالیسی کے تحت گاڑیوں کی مرمت کی مد میں اخراجات ساڑھے 4کروڑروپے سے کم کرکے نصف کر دئیے گئے ہیں ۔
اسی طرح سیکورٹی اخراجات میں تقریباً66فیصد کمی کی گئی ہے جو 83کروڑروپے سے کم ہو کر 28کروڑ روپے رہ گئے ہیں ۔
