وفاقی وزیر مملکت برائے پارلیمانی امور علی محمد خان نے کہا ہے کہ دونوں کشمیر ہمارے ہیں۔کشمیری بھائیوں پر جاری بھارت کے ظلم وبربریت کا سلسلہ کشمیری بھائیوں کی پاکستان سے الحاق اور بھارت سے آزادی حاصل کرنے کا جذبہ ختم نہیں کرسکتا۔ان خیالات کا اظہار انھوں نے کشمیر ڈے کے حوالے سے ٹی ایم اے تخت بھائی میں کیپی ٹی آئی کی حکومت بلاتفریق عوامی خدمت پر یقین رکھتی ہے۔تحصیل تخت بھائی کے نو منتخب چیئرمین حافظ محمد سعید سے بھر پور تعاون کرنے کا اعلان اور عوام کا فیصلہ سر آنکھوں پر قبول ہے۔ انؤ خیالات کا اظہار انھوں نے ٹی ایم اے تخت بھائی میں سنیٹری ورک میں استعمال ہونے والی صوبائی حکومت کی جانب سے فراہم کردہ نئی گاڑیوں کو ٹی ایم اے انتظا میہ کے حوالے کرنے کے موقع پر منعقدہ تقریب سے خطاب کرتے ہوئے کیا۔تقریب سے رکن صوبائی اسمبلی افتخار علی مشوانی نے خطاب کرتے ہوئے کہا کہ پی ٹی آئی کی حکومت نے تحصیل تخت بھائی میں ترقیاتی کاموں کا جال بچھا رکھا ہے۔ان ترقیاتی کاموں میں یوسی پٹ بابا میں قبرستان کیلئے اراضی کی خریداری،نوجوانوں کے کھیل کود کیلئے سپورٹس کمپلیکس،تحصیل ہیڈ کوارٹر ہسپتال تخت بھائی کو لوڈ شیڈنگ کے دوران کام جاری رکھنے کیلئے ایکسپریس سروس لائن کی منظوری،عوام کو لوڈشیڈنگ،بجلی کی کم وولٹیج اور ٹریپنگ کے عذاب سے نجات دلانے کیلئے گوجر گڑھی میں گریڈ سٹیشن،یوسی دامن کوہ کیلئے الگ فیڈر کے منصوبے شامل ہیں ۔بعد میں وفاقی وزیر مملکت برائے پارلیمانی امور علی محمد خان اور رکن صوبائی اسمبلی افتخار علی مشوانی کی قیادت میں 5فروری یوم کشمیر کے حوالے سے نہتے کشمیری بھائیوں کے ساتھ اظہار یکجہتی کے لئے ایک ریلی نکالی گئی۔
