اہم خبریں

کرتارپورراہداری منصوبے پرپاک بھارت مذاکرات 14 جولائی کوہوں گے

اسلام آباد: کرتار پور راہداری منصوبے پر پاک بھارت مذاکرات 14 جولائی کو واہگہ بارڈر پر ہوں گے۔

کرتارپورکوریڈورکے حوالے سے پاک بھارت حکام کی دوسری بیٹھک 14 جولائی کو لاہورکے واہگہ بارڈر پر ہورہی ہے۔ پاک بھارت مذاکرات میں پاکستانی وفد کی قیادت ترجمان دفتر خارجہ ڈاکٹرمحمد فیصل اوربھارتی وفد کی قیادت جوائنٹ سیکریٹری خارجہ دیپک متل کریں گے۔

سفارتی ذرائع کے مطابق اس ملاقات میں کرتارپورراہداری کے افتتاح کی تاریخ اوروقت کے تعین پربات چیت ہوگی، اگر کرتارپور راہداری کے افتتاح کی مشترکہ تقریب منعقد ہوتی ہے تو پاکستان توواضح کرچکا ہے کہ وزیراعظم عمران خان اس کا افتتاح کریں گے لیکن بھارت کی طرف سے کون شریک ہوگا، بھارتی وفد سے یہ پوچھا جائے گا۔ اس بیٹھک کے ایجنڈے میں بھارت یہ سوال بھی اٹھائے گا کہ کیا اس تقریب میں خالصتان تحریک کے حامی افراد کو تو مدعونہیں کیا جائے گا۔

باوثوق سفارتی ذرائع کے مطابق اجلاس میں دونوں ممالک کے مابین ہونے والی تکنیکی ماہرین کی میٹنگ میں طے پانے والے امورپر بھی بات ہوگی۔ اجلاس میں طے کیا جائے گا کہ پاکستان کرتارپورراہداری کے راستے پہلی بار کتنے بھارتی یاتریوں کو انٹری کی اجازت دے گا۔ کیا یاتریوں کو پورا سال ویزا کے بغیر انٹری کی اجازت ہوگی؟ اور یاتری کس حد تک بھارتی یا غیرملکی کرنسی ساتھ لاسکیں گے، یاتریوں کی رجسٹریشن مشترکہ ہوگی یا دونوں ممالک الگ الگ انٹری کریں گے؟۔ اسی طرح کیا پاکستان کی طرف سے کوئی انٹری فیس رکھی جائے گی یا نہیں اس پر بات ہوگی۔

بھارتی یاتریوں کی آمد کے موقع پر گوردوارہ دربارصاحب میں پاکستانی یاتری کو داخلے کی اجازت ہوگی یا نہیں یہ نکتہ بھی ایجنڈے میں شامل ہے۔ دونوں ممالک کے حکام یاتریوں کی جدید سی سی کیمروں کی مدد سے نگرانی پربھی بات کریں گے جبکہ سکھوں کے خاص تہواروں پر یاتریوں کی زیادہ سے زیادہ تعداد کو انٹری کی اجازت دینے پربھی بات کی جائیگی، دونوں ملکوں کے حکام ایمرجنسی میڈیکل سروس کی فراہمی سمیت ہاٹ لائن پررابطہ رکھنے کی تجویزپربھی بات کریں گے۔

Leave a Comment

Your email address will not be published.

You may also like

Read More

post-image
اہم خبریں
قصور: ” میرے پوت نوں مارنا نئیں”ناراض بیوہ بوڑھی ماں نے بیٹے بہو کو گلے لگا لیا بوڈھی ماں کی تھانے میں فریاد سے...
Read More
post-image
ٹیکنالوجی
ویووY15Cپاکستان میں متعارف کروا دیا گیا 16 اگست 2022 عالمی شہرت یافتہ سمارٹ فون بنانے والی کمپنی ویوو  نے پاکستان میںاپنی وائے سیریزمیں نیاY15Cمتعارف...
Read More
post-image
اہم خبریں
مگرمچھوں کے ناپید ہونے سے ہمارے ماحول پر تباہ کن اثرات ہوں گے، ماہرین سائنس دانوں نے خبردار کیا ہے کہ مگر مچھوں کی...
Read More
post-image
اہم خبریں
اے پی ایس حملے کا ماسٹرمائنڈ عمر خالد خراسانی بم دھماکے میں ساتھیوں سمیت ہلاک کالعدم تحریک طالبان پاکستان کےاہم کمانڈر عمرخالد خراسانی ساتھیوں...
Read More
post-image
اہم خبریں
کراچی: اسسٹنٹ کمشنر اسما بتول کو اسلحہ کے زور پر لوٹ لیا گیا کراچی کے علاقے بہادر آباد میں اسسٹنٹ کمشنر فیروز آباد اسما...
Read More