ہارون آباد باڑہ عاکوکا کے قریب نہر ہاکڑہ میں 150 فٹ شگاف پڑ گیا جس کی وجہ سے وسیع علاقہ زیر آب آگیا پولٹری فارمز ، جانوروں کے چارہ جات، اور کاشتکاروں کی سینکڑوں ایکڑ فصلیں تباہ محکمہ انہار کا عملہ موقع پر نہ پہنچ سکا. شگاف کا پانی رہائشی آبادیوں تک پہنچ گیا مقامی لوگوں نے اپنی مدد آپ کے تحت شگاف پر کرنے کی کوشش کی لیکن شگاف بڑھتا گیا باڑہ عاکوکا کے قریب نہر ہاکڑہ میں 150 فٹ شگاف ٹھیک اسی جگہ پڑا ہے جہاں ہر سال پڑتا ہے جو کہ محکمہ انہار کی غفلت اور لاپرواہی کا واضح ثبوت ہے سینکڑوں ایکڑ رقبہ زیر آب آنے سے فصلیں اور پولٹری فارم تباہ ہونے سے مزید نقصان کا اندیشہ اور پولٹری فارم میں موجود مر غیوں کی ہلاکتوں کابھی خدشہ ہے جو پولٹری فارم مالکان کا بہت بڑا نقصان ہے 5گھنٹے بعد انتظامیہ کی طرف سے بھی شگاف کو پر کرنے کے لئے کوشش تیز کر دی گئیں ہیں پولیس اور محکمہ انہار کا عملہ بھی موقع پر پہنچ گیا ہے مگر کاشتکاروں اور پولٹری مالکان کا کافی نقصان ہو چکا ہے. کاشتکاروں نے انتظامیہ اور حکومت سے مطالبہ کیا ہے کہ بار بار ایک ہی جگہ پر پڑنے والے شگاف کی انکوائری کروائی جائے اور نقصانات کا ازالہ کیا جائے
