عمر گل افغانستان کرکٹ ٹیم کے بالنگ کنسلٹنٹ بن گئے
اسلام آباد: پاکستان کرکٹ ٹیم کے فاسٹ باؤلر عمرگل افغانستان کرکٹ ٹیم کے بالنگ کنسلٹنٹ بن گئے ہیں۔
فاسٹ بالر عمرگل نے افغانستان کرکٹ ٹیم کے بالنگ کنسلٹنٹ بننے کی تصدیق کرتے ہوئے کہا ہے کہ وہ 4 اپریل کو ابوظہبی میں جاری افغانستان کرکٹ ٹیم کے کیمپ کو جوائن کریں گے۔
37 سالہ فاسٹ بالر نے کہا کہ ابتدائی طور پر تین ہفتوں کا افغانستان کرکٹ بورڈ کے ساتھ معاہدہ طے پایا ہے جس کی تکمیل کے بعد اس میں اضافہ بھی ممکن ہے۔
دائیں ہاتھ کے فاسٹ بالر اور پاکستان کی جانب سے چار سو سے زائد شکار کرنے والے عمر گل نے مزید کہا کہ کے پی ایل، ایل پی ایل اور ڈومیسٹک سطح پر کوچنگ کے بعد کسی انٹرنیشنل ٹیم کے ساتھ منسلک ہونے کی خوشی ہے ، کوشش ہوگی کہ اپنے تجربے سے افغانستان کرکٹ ٹیم کے بالرز کی جو بھی ممکن ہومدد کرسکوں۔
عمر گل کو 47 ٹیسٹ، 130 ایک روزہ اور 60 ٹی 20 میچز میں پاکستان کی نمائندگی کا اعزاز حاصل ہے۔
