قصور: ” میرے پوت نوں مارنا نئیں”ناراض بیوہ بوڑھی ماں نے بیٹے بہو کو گلے لگا لیا
بوڈھی ماں کی تھانے میں فریاد سے ہر ہر آنکھ اشکبار ، ملازمین سمیت سائلین کی آنکھیں بھر آئیں تھانہ بی ڈویژن پولیس نے ماں کوستانے والے بیٹے اور اسکی بیوی کے درمیان غلط فہمی دور کروادی سلامت پورہ کی 70 سالہ بیوہ ممتاز بیگم نے بیٹے اور بہو کے خلاف درخواست دی بیٹا مارتااور گھر سے دھکے دیکر نکال دیتا ہے جبکہ بہو گالیاں نکالتی ہے۔ بوڑھی ماں ایس ایچ او بی ڈویژن نے بوڑھی ماں کی درخواست پر بیٹے اور اسکی بیوی کو طلب کیا ماں کی درخواست پر بیٹا بیوی بچوں سمیت تھانے آ گیا جہاں ماں کے قدموں میں گر کر معافی مانگی بیٹے اور پوتے پوتیوں کے پیار میں جذباتی مناظر سے اہلکار بھی نمدیدہ ہوگئے ایس ایچ او ڈاکٹر ذوالفقار کے سمجھانے اور بیٹے کی منت سماجت پر ماں نے بیٹے کو گلے لگا کر معاف کردیا بوڑھی ماں تھانہ بی ڈویژن پولیس کو دعائیں دیتی ہوئی اپنی فیملی کے ہمراہ ہنسی خوشی گھر واپس لوٹ گئی
