۔کمشنر ڈیرہ غازی خان ڈویژن لیاقت علی چٹھہ نے اجلاس کی صدارت کرتے ہوئے چاروں ڈپٹی کمشنرز کو ایکشن پلان مرتب کرتے ہوئے عملدرآمد کی ہدایات جاری کیں۔شہر میں کارپوریشن اور دیہی علاقوں میں سیکریٹری یونین کونسل کتا مار مہم چلائیں گےکمشنر کی ہدایت پر کارپوریشن نے کنٹرول روم کا نمبر بھی مشتہر کردیا
کمشنر ڈیرہ غازی خان ڈویژن لیاقت علی چٹھہ نے کہا کہ سکول میں بچہ کو کتے کاٹنے کے واقعہ کا دلی دکھ ہے وزیر اعلی پنجاب سردار عثمان احمد خان بزدار کی ہدایت پر ڈیرہ غازی خان سمیت ڈویژن بھر میں آوارہ کتوں کی مہم شروع کردی ہے۔کارپوریشن نے کل رات سے ابتک 100 کے قریب آوارہ کتوں کو تلف کردیا ہے۔ہسپتالوں میں کتے کاٹنے کی ویکسین وافر مقدار میں دستیابی یقینی بنانے کے احکامات جاری کردی ہیں۔ کارپوریشن آفس میں 0642403829 پر مرکزی کنٹرول قائم کردیا ہے شہری آوارہ کتوں کی تلفی اور متعلقہ معلومات ہفتہ کے ساتوں دن 24 گھنٹے مفت کال کرکے معلومات دے سکتے ہیں۔کمشنر لیاقت علی چٹھہ نے چاروں اضلاع کے ڈپٹی کمشنرز سے کہا کہ وہ بھی اپنے اضلاع بھی ایکشن پلان بناکر عملدرآمد کرائیں۔اجلاس میں ایڈیشنل کمشنر کوآرڈینیشن خالد منظور،سی ای او ہیلتھ ڈاکٹر عتیق الرحمن،ایم ایس ٹیچنگ ہسپتال ڈاکٹر نجیب الرحمن،اسسٹنٹ کمشنر جنرل حیات اختر،ڈسٹرکٹ ایمرجنسی آفیسر ریسکیو 1122،سی ای تعلیم مسعود ندیم،اسسٹنٹ ڈائریکٹر لوکل گورنمنٹ محمد احمد،ڈی بی اے شہزاد قدیر اور دیگر موجود تھے
